Siglir tar il cuntegn
Inhalt

Engiadina 39 naziuns, 325 atlets ed ina tut speziala che ha il timun

A la testa dal comité d'organisaziun: Simone Niggli. L'anteriura atleta d'elita, 23 giadas campiunessa mundiala e 10 giadas campiunessa europeica en cursa d’orientaziun, ha premiera sco organisatura. Impurtant era ad ella surtut ch'ils curriders survegnan trajects attractivs.

simone niggli
Legenda: Simone Niggli è dapì 3 onns betg pli activa en l'elita da la cursa d'orientaziun. Uss organisescha ella per l'empirma giada ina concurrenza gronda. Keystone

3 onns ha Simone Niggli lavurà vi da la preparaziun per in dals eveniments impurtants en la scena d'OL. Il champiunadi mundial dals juniors è per quests, tranter 16 e 20 onns in pass impurtant en la carriera da sport. Radund 200 persunas enturn Niggli gidan tar l'organisaziun. Las cursas han lieu dals 9 fin ils 15 fanadur a Scuol e la Val Müstair.

Cursas per in e scadin

Sper las cursas da l'elita han en il sport d'OL adina lieu cursas per in e mintgin. Cursas naziunalas nua che mintgin po sa participar. I dat differentas categorias. Ina raschun per quai è tenor Simone Niggli che quels che van a guardar OL vulan era sez ir en il guaud e currer cun la carta.

simone niggli
Legenda: Simone Niggli e l'um Mathias organiseschan il campiunadi mundial dals juniors a Scuol Keystone

Las victorias las pli impurtantas da Simone Niggli

  • 23 giadas champiunessa mundiala
  • 9 giadas victura dal classament general
  • 10 giadas champiunessa europeica
  • 45 giadas champiunessa svizra d'OL elita
  • Plirs onns la meglra dal mund
  • Sportista svizra ils onns 2003, 2005 e 2007