Siglir tar il cuntegn
Inhalt

Engiadina 400 suttascripziuns entaifer 16 dis

A Scuol han ils iniziants ramassà suttascripziuns cun success. Entaifer 16 dis èn vegnidas ensemen passa 400 suttascripziuns, necessarias èn 150.

Ils formulars da l'iniziativa "dapli per cumprar - damain per parcar"
Legenda: Ils formulars da l'iniziativa «dapli per cumprar - damain per parcar». RTR, G. Luzzi

L’iniziativa «dapli per cumprar – damain per parcar» pretenda plazzas da parcar gratuitas en l'entira vischnanca da Scuol. Tenor ils iniziants avess quai plirs avantatgs.

Avantatgs per il turissem e giasts

Ir a nudar u cun skis, ir a spass senza guardar sin l’ura. Sch'in giast survegn ina multa ha el ina regurdientscha negativa da la destinaziun e na turna betg pli.

Tenor ils iniziants da quest’iniziativa duess la polizia da vischnanca diminuir cun las controllas e multas. Questa mesira purtass cuntentientscha tar ils abitants e giasts.

Tariffas actualas en la fracziun da Scuol

Per la vischnanca da Scuol fusiunada n'exista anc betg in reglament actual. Per la fracziun da Scuol vala perquai quel d'avant la fusiun:

Las tariffas per parcar en la fracziun da Scuol

Obligà da pajar ina taxa:
7 dis/emna
Custs:20 - 50 raps/mes'ura
Liber da taxas:
19:00 - 08:00

Tar lieus spezials sco per exempel la staziun e las garaschas datti cundiziuns spezialas.