Siglir tar il cuntegn

Header

cuntegn

Engiadina 426 kilometers per ir a festa da musica

La musica Concordia da Müstair va a la festa da musica federala a Montreux: in viadi enorm!

La decisiun dad ir a la festa da musica federala saja stada clera, ha ditg il president da la musica Concordia da Müstair Valentin Pitsch.

Giuvens sa legran sin Montreux

Surtut ils musicants giuvens hajan vulì ir a Montreux. L'organisaziun na saja dentant betg propi simpla. Il viadi è cun 426 kilometers enorm lung. Uschia partan ils jauers gia venderdi a bunura vers Montreux e fan il viadi en duas etappas. Perquai han ins era stuì organisar ch'ils musicants che van anc a scola, survegnan liber.

Mintga 5 onns ina cumpetiziun

La festa da musica federala a Montreux cuzza duas fin d'emnas. Dals 10 fin 12 e dals 17 fin 19 da zercladur 2016. Ella ha lieu mintga 5 onns en in auter lieu en Svizra. Da las 1883 societads da musica ch'existan en Svizra, sa participeschan fin uss 556 a la gronda festa en la Svizra franzosa.

Artitgels legids il pli savens