Engiadina - 5,1 milliuns per provediment d’aua ed ovra idraulica a Segl
Plinavant è uss avant man avunda aua en cas da fieu in val.
Ils abitants da Segl èn envidads questa fin d’emna ad in di da las portas avertas per vesair nua che la vischnanca ha realisà ils ultims onns il project Chalchais en la Val Fex.
Nov vegn l’aua che curra in abundanza er sviada tras las duas turbinas Munt e Tschanglas. Uschia sa la vischnanca uss er producir atgna forza electrica. 1 Gigawat vegn uss furnì or da la Val Fex, quai che correspunda pli u main a 12 % forza ch’ils Segliots dovran en in onn.
Fin che la vischnanca da Segl ha pudì cumenzar cun la realisaziun dil project inizià l’onn 2009, haja dentant vulì pliras proceduras da valitaziun, surtut davart da las instituziuns per la protecziun da l’ambient.