Siglir tar il cuntegn

Header

Scuol, cul Bogn Engiadina e la baselgia
Legenda: Scuol, cul Bogn Engiadina e la baselgia RTR, Georg Luzzi
cuntegn

5 onns fusiun Scuol Plaun plaunet vegn ins a sa disar

Ina fusiun maina midaments, saja quai en scola, en la politica ma era las usanzas èn sfurzadas da far midaments.

Guarda ed il «quiz»

Guarda fastagiava la festa da «quiz». Ma causa la fusiun era quella festa periclitada. Ma grazia als uffants datti quella tradiziun anc oz. Adina in mars vegniva elegì la suprastanza communala ed il president/a. Sin iniziativa dals uffants da la fracziun datti ussa mintg’on in pled festiv dal president communal dal vitg da Scuol e lura ina festa a Guarda.

Scolas – ina buna collavuraziun era senza fusiunar

En la missiva da la fusiun dal vitg da Scuol stat cler e net ch'ina fusiun dastga vegnir realisada sch'i dat memia paucs uffants en las fracziuns u sche la situaziun finanziala n’è betg pli purtabla.

Scuol ha fatg bunas experientschas cun la fusiun, oravant tut la collavuraziun e vegnida intensivada. Dapi la fusiun datti era mo in cussegl da scola. Era quella collavuraziun è sa verifitgada e funcziuna zunt bain. Ils proxims onns n’èsi perquai betg previs da far midaments.

Ord vista politica

Cler datti anc bleras fatschentas e leschas che n’èn anc betg armonisadas, uschia il president communal Christian Fanzun. Ma las grondas bovas ils onns 2015 e 2017 e lura las inundaziuns dal 2019 han fatg retardar tut il program, quai è vegni tut nunspetgà. Vegn tiers che diversas leschas, sco per exempel la lescha da construcziun sa retardescha or da differents motivs betg influenzabels.

Ord vista finanziala ha il vitg da Scuol pudì diminuir il chapital ester da 39 sin radund 19 milliuns, quai grazia a la fusiun. Ma per l’avegnir pudess quai sa midar. Tut ils provediments d’aua, sereneras, vias e sendas èn vegnidas cun ils onns en decadenza, qua sto il vitg far anc grondas investiziuns en l’avegnir.
Ord vista dal persunal è la cifra pli u main restada identica sco avant la fusiun.

RTR actualitad 06:00

Artitgels legids il pli savens

Scrollar a sanestra Scrollar a dretga