25 chavaltgaders èn sa participads l'october dal 1970 per l’emprima giada a l’occurrenza a Zuoz. Er sch'il viadi en l'Engiadina è stà cumplitgà, èn gia da quel temp participants da la Svizra bassa stads sin la glista da partenza. Cun la Viafier retica sajan els e lur chavals vegnids a Zuoz.
Er al lieu era organisà tut simpel. Ils chavals èn vegnids liads in dasper l’auter en las stallas da vatgas e nursas. Tuttina sajan tuts stads intgantads ed hajan fatg reclama tar els a chasa. Ils onns suandants han adina dapli sportists chattà la via en l'Engiadina cun lur chavals.
Pli grond Concours en il Grischun
Diversas tendas grondas porschan oz boxas per singuls chavals, nua ch’els pon star durant ils dis da l’occurrenza. Quai e la buna organisaziun en general èn tenor Duri Casty puncts decisivs ch'il Concours da Zuoz è daventà il pli grond turnier en il Grischun. Per il giubileum da 50 onns èn passa 1'400 partenzas vegnidas registradas.
Il Concours Hippique da Zuoz dura dals 7 enfin ils 11 d’avust 2019.
RR actualitad 06:00