Dapi 50 onns maina il chapitani Franco Giani cun sia bartga da motor passagiers sur il lai da Segl. El circulescha tranter Segl e Malögia.
In chapitani passiunà – uschè ditg ch'i va
Anc adina fetschia el sia lavur gugent e cun blera passiun, raquinta Giani.
Er sch’el pudess esser en pensiun – esser mintga di sin il lai ed avair contact culs giasts saja in toc pli bel. E perquai fetschia el vinavant enfin che la sanadad lubescha quai.
Quarta generaziun è pronta
Sche Franco Giani avess tuttina da chalar in di speria el che l’affar resta en famiglia. Quai è er l’interess da sia figlia Francesca Giani. Ella è da buna speranza ch’ella possia insacura succeder a ses bab sco quarta generaziun a la roda da manischar.
RR, actualitad 7:00