50 onns tanschan – Reto Mathis serra il restaurant «La Marmite»

La famiglia Mathis dat adia al restaurant en la regiun Corviglia cun l'enconuschent num «La Marmite». In mez tschientaner han els manà il local cun grond success. La vegliadetgna, ma era la situaziun economica ed ecologica èn stads ils facturs da chalar.

Hartly Mathis – il pionier

L’onn 1967 ha Hartly Mathis prendì la decisiun da purtar la cuschina d’hotels da 5 stailas da la val sin la muntogna ed ha avrì il restaurant «La Marmite». Blers eran sceptics da quest’interpresa. L’istorgia è daventada in grond success.

25 onns pli tard ha lura surpiglià il figl Reto Mathis il restaurant e sviluppà enavant il restaurant da gourmet sin bunamain 2'400 meters sur mar.

Enconuschentas persunas, sco il Schah da Persia, ils frars Klitschko ma era il nov president american Donald Trump e sia famiglia èn stads giasts dals Mathis.

La vegliadetgna en emprima lingia, ma era la situaziun economica ed ecologica èn stads ils motivs da chalar.

RR actualitad 07:00