500 onns baselgia San Jon Susch

Envidads en tut las raspadas, catolics, refurmads e la baselgia libra da l’Engiadina Bassa e la Val Müstair. A chaschun dals 500 onns ha Susch numnadamain gist organisà il di da las raspadas per uschè far ina festa pli gronda.

Baselgia San Jon Susch Bild in Lightbox öffnen.

Legenda da maletgs: La Baselgia San Jon è situada sper la Tuor Planta a Susch RTR, V.Rominger

La cuminanza stettia il center da la vita cristiana, di Hermann Thom president dal colloqui Engiadina Bassa e la Val Müstair. Perquai veglian els festivar la cuminanza tranter confessiuns e generaziuns.

Quai tranter auter cun differents concerts da tut ils geners. Da musica classica, sur chant da cor fin ad in concert da rap. La finamira n'è betg mo d'attrair glieud giuvna en baselgia, mabain er da mussar ch’ins possia far giu la pulvra da la baselgia, che haja in image d’esser veglia, uschè Thom.

Bainvegnì èn perquai tuts la dumengia. La festa cumenza cun in cult divin en la baselgia San Jon Susch.