Cun ina gronda festa vul la Societad da musica Silvaplauna festivar lur 55avel anniversari. Durant dus dis l’ultima fin d’emna da zercladur sa radunan 11 societads da musica cun bundant 350 musicists e musicistas.
In di per la musica ed in per il giubileum
Perquai ch'il giubileum da 50 onns ha stuì vegnir stritgà pervia da la pandemia, ha la societad prendì la chaschun da prender suenter la festa cun in di da musica per il district. Uschia èsi pussaivel a las uniuns participantas da sunar intgins tocs e da porscher a las visitadras ed als visitaders da la damaun fin la saira tard in program cumplain.
Impressiuns da las lavurs da preparaziun
-
Bild 1 von 7. Bildquelle: RTR.
-
Bild 2 von 7. En la tenda cun in funs e tarpun per tegnair sitg ils pes dals visitaders e visitadras. Bildquelle: RTR.
-
Bild 3 von 7. Bildquelle: RTR.
-
Bild 4 von 7. Bildquelle: RTR.
-
Bild 5 von 7. La tenda da festa è pronta. Bildquelle: RTR.
-
Bild 6 von 7. Vegls documents or da l'archiv da Balser Bazzell. Bildquelle: RTR.
-
Bild 7 von 7. Bildquelle: RTR.
Per la dumengia ha la societad envidà tut ils anteriurs commembers per festivar l’anniversari. Quai èn radund 320 persunas. Uss spera il president Heinz Mingg che la gronda lavur da preparaziun da duas emnas han valì la paina. Saja quai er be cun ina buna cumpagnia durant ils dus dis da festa.
Jau ma legrel da vesair mes vegls scolars e scolaras ch'jau ha mussà dal prim onn davent da sunar in instrument. Jau speresch d'enconuscher in u l’autra, era sch'els ed ellas èn sa midadas dapi l’ultima giada ch'ans avain vis.