Siglir tar il cuntegn

Engiadina 6 giadas rut en aifer ina notg

A Müstair èsi vegnì rut en 6 giadas la notg sin gievgia. Sco quai che la polizia chantunala communitgescha, èn pertutgads hotels, butias da sport, restaurants, ina papetaria ed ina butia da victualias.

lader rumpa en
Legenda: Ils laders èn ruts en 2 hotels, ina fatschenta da sport, in restaurant ina papeteria ed ina fatschenta da victualias. Keystone

La summa da delict munta tenor la polizia a plirs millis francs. Sch'i sa tracta dals medems delinquents ch'èn ruts en dapertut è la polizia vi da sclerir. Ils delinquents nunenconuschents han engulà vestgadira, tastgas e daners.

Per observaziuns appellescha la polizia da s'annunziar tar il post da polizia a Santa Maria.

RR novitads 11:00