Siglir tar il cuntegn

Header

video
La Val S-charl festivescha si‘istorgia.
Or da sil punct dals 13.07.2018.
laschar ir
cuntegn

Engiadina 700 onns minieras

A chaschun dal giubileum da 700 onns minieras en la Val S-charl organisescha la fundaziun «Schmelzra S-charl» questa dumengia ina festa. I na vegn dentant betg mo festivà il cumenzament d'activitads d'explotaziun.

La fundaziun «Schmelzra S-charl» na festivescha ils 15 fanadur betg mo 700 onns minieras, mabain era ses anniversari da 30 onns existenza. L’onn 1987 è numnadamain vegnì fundà questa societad cun la finamira da perscrutar e preservar la vasta istorgia d'activitads d'explotaziun d'argient, plum ed auters minerals en la Val S-charl.

Per ina han ins silsuenter fabritgà ord il vegl edifizi d’administraziun in museum, perscrutà durant ils proxims ventg onns las minieras e restaurà quest onn las ruinas che sa chattan gist dasper il museum. Questas ruinas speran ins ussa da pudair render accessibel al public pli spert pussaivel.

audio
Bunura: 700 onns minieras a S-charl
03:13 min, Actualitad dals 16.07.2018.
laschar ir. Durada: 03:13 minutas.

La festa da giubileum in S-charl

La populaziun e vegnida envidada a vesair las veglias restanzas da quel temp cur che vegniva explotà. Plinavant han gì lieu referats e demonstraziuns co che vegniva gudagnà il plum e l'argient. Medemamain han ils giasts pudì tadlar musica e mangiar da cumpagnia ina liongia o in tschiainder. Bleras persunas èn vegnidas a vesair las restanzas e tadlar sur d'in temp tut auter co facil.

RR «sil punct» 17:40

Artitgels legids il pli savens

Scrollar a sanestra Scrollar a dretga