Ils 25 da zercladur 1930 ha il Glacier Express fatg ses emprim viadi da Zermatt enfin San Murezzan. Las viafiers Brig Visp Zermatt, Furka-Oberalp e la Viafier Retica han collavurà. Gia a l’entschatta han radund 20’000 persunas profità da quest viadi tras las muntognas, vitgs e vadretgs.
Durant ils onns 1943 enfin 1946 han ins stuì interrumper la purschida causa la segunda guerra mundiala. Il viadi tranter Zermatt e San Murezzan dura radund 11 uras.
Dapi il 1982 sa tracti tar il Glacier Express d’ina purschida sur l'entir onn. Fin là pudevan ins viagiar mo durant ils mais da stad tranter zercladur ed october.
L’onn 1994 dovran passa 250’000 persunas la purschida attractiva da Zermatt – San Murezzan e return. Tranter ils onns 1982 enfin 1996 han 2’750 milliuns passagiers fatg il viadi tranter il Grischun ed il Vallais. Il 2008 finalmain l’onn da record cun 260’000 passagiers.
En vista al 90avel anniversari retschaivan tut ils vaguns da panorama in nov design ed era in nov sistem d’infurmaziun.