Siglir tar il cuntegn
Inhalt

Engiadina 9avel festival da jazz a San Murezzan

Gronds nums, scuvertas e musica sut tschiel avert – quai empermetta la 9avla ediziun dal festival.

Musicher.
Legenda: Marcus Miller fa part al 9avel festival da jazz a San Murezzan. Keystone

Oz, gievgia ils 07 da fanadur 2016, cumenza il festival da jazz a San Murezzan. Durant in mais datti 60 concerts cun artistas ed artists da renum sco Marcus Miller, Stanley Clarke, Arturo Sandoval, Klaus Doldinger, Al Di Meola ubain Diana Krall.

En il Dracula Club datti però er da scuvrir interprets main enconuschents : Lisa Simone, Justin Kauflin e Daniel Schnyder. Attenziun speciala datti per il jazz da la Scandinavia che vegn represchentà da Silje Neergard, Timo Lassy, Iiro Rantala e Jan Lundgren.

Ed er quest onn datti musica sut tschiel avert. Ils 26 da fanadur è il concert si Muottas Muragl cun Mother’s Finest ed ils 31 da fanadur Earth, Wind & Fire Experience feat. Al McKay sin l’areal dal Dracula Club.

RTR e SRF2 cultura registreschan 4 concerts che vus pudais lura udir durant il settember. Sonda a las 11:00 emetta il magazin da cultura dad RTR musica d'interprets che sunan al festival da jazz 2016.

RR actualitad 12:00