Siglir tar il cuntegn

Header

cuntegn

Engiadina A chatscha dals posts cun ils skis da passlung

A Scuol ha lieu ils 22 da favrer ina cursa d’orientaziun - ma betg en furma classica - mabain cun ils skis da passlung.

Il zercladur 2016 èn stadas a Scuol las occurrenzas mundialas da cursas d’orientaziun. Il fieu ch'è naschì oravant tut tar ils uffants vuless ins mantegnair. Perquai han els organisà ina cursa d’orientaziun cumbinà cun passlung.

audio
Bunura: Concurrenza d'orientaziun cun skis da passlung
ord Actualitad dals 22.02.2017.
laschar ir. Durada: 2 minutas 27 Secundas.

Las reglas restan sco tar ina classica cursa d’orientaziun, l’unica differenza è quella che la cursa vegn absolvida cun ils skis da passlung. Sin ina distanza da radund 1,5 kilometers ston las curriduras ed ils curridurs chattar pli spert pussaivel e cun la gista successiun ils posts.

Project 'SCOOL'

Organisà vegn la cursa da l’associaziun Svizra per cursas d’orientaziun. Cun il project 'SCOOL' fan els ina Tour de Suisse' da scola a scola tras tut la Svizra per animar e promover ils uffants per il sport da cursas d’orientaziun.

OL cun skis da passlung n'è nagina idea nova. Gia il 2005 hai dà ina cursa d'orientaziun a S-chanf. (guarda video da lura)

video
OL S-chanf 2005
Or da RTR dals 21.02.2017.
laschar ir. Durada: 2 minutas 8 Secundas.

RR actualitad 08:00

Artitgels legids il pli savens