Las pistas ch'èn avertas sin il territori da skis a Motta Naluns han bunas relaziuns, i manca dentant l'aua per pudair ennavar la pista fin giu a la staziun a val.
Il problem a Motta Naluns è sco era en auters lieus dal Grischun, quasi tut las pistas sut 2500 meter èn cuvertas be cun naiv artifiziala. A Scuol han ils responsabels duvrà questa stagiun bler'aua e svidà il lai da 50’000 meters cubics, be cun far las pistas en il territori da skis.
L’aua che vegn suenter vegn anc duvrada per optimar pistas en il territori e per far il fun-parc. A partir da l’emna che vegn, stuessi dentant esser pussibel er d’ennavar la pista fin giu a la staziun a val a Scuol.