Siglir tar il cuntegn
Inhalt

Engiadina A Zernez manca anc adina in candidat

Dus sezs èn anc libers en la suprastanza da Zernez. I dat dentant mo in candidat per il segund scrutini ch'ha lieu ils 25 da november.

Sguard sin il museum dal parc naziunal, in cubus quader cun 6 fanestras, davos il chastè da Zernez.
Legenda: Da chattar commembers per la suprastanza para d'esser difficil a Zernez. ANR, Martina Fontana

Il candidat ha num Riet Denoth, sco igl è da leger en la publicaziun uffiziala da la vischnanca da Zernez. Sch'el resta il sulet candidat è dentant avert, candidar pon ins enfin l'ultim di.

Gia per l'emprim scrutini dals 21 d'october avevan candidà mo quatter persunas per ils sis sezs en suprastanza. Trais suprastants èn vegnids reelegids ed in è vegnì elegì da nov.

Tar il segund scrutini vala a Zernez la maioritad relativa, tgi che survegn damai las pli bleras vuschs è elegì.

RR novitads 06:00