In success per la cooperaziun che ha realisà avant 2 onns in project da passa 7 milliuns francs. Quai cun l’idea da porscher abitaziuns pajablas èn Engiadin’Ota a giuvens enfin 25 onns. E la spierta è fitg dumandada, els hajan perfin ina pitschna glista da spetga, uschè il vicepresident da la cooperaziun, Reto Roner.
Situaziun economica difficila
La cooperaziun spera che la spierta vegn ad esser dumandada era en ils proxims onns. La situaziun economica èn Engiadin’Ota sa ha midada, forsa che blers giuvens van plitost davent. Quai muntass che la cooperaziun sto adattar ils pretschs d’abitaziuns al martgà. Quai dentant è al mument betg il cas.
Ideas per ulteriurs projects
La cooperaziun bajegiass gugent si sin il success e realisass in ulteriur project. Concret nun è nagut, di Reto Roner, ma in’idea ch’els avevan era da realisar ina chasa per persunas sur 60 onns. Al mument dentant manca il terrain per in project pussaivel.
RR actualitad bunura 06:00