Accident a Zuoz - Collisiun tranter dus autos

A Zuoz hai dà dumengia suentermezdi ina collisiun tranter dus autos. Curt suenter las 16:00 è in automobilist da 24 onns charrà da Madulain en direcziun Zuoz. En in caraun tar Champatsch è el glischnà cun ses vehichel sin il vial oppost, là è el lura collidà cun in auter che vegniva encunter. Tar la collisiun sajan ils dus manischunzs ed ina cunpassagiera vegnids blessads, scriva la Polizia chantunala. In team da salvament da l'Engiadin'Ota ha lura transportà els en l'ospital. Vi dad omadus autos hai dà in donn total.