Siglir tar il cuntegn
Inhalt

Engiadina Accident cun betuniera a Martina

Sin in trassé da via provisoric è la gievgia a bun'ura sa derschì in camiun da betun. Il manischunz è sa blessà mez-grev.

Accident d'in camiun da betun sin la via d'Engiadina.
Legenda: Accident d'in camiun da betun sin la via d'Engiadina. MAD, Polizia chantunala

A Martina è la gievgia a bun’ura in camiun cun betun sa derschì, il manischunz da 44 onns è vegnì serrà en il camiun ed è sa blessà, scriva la Polizia chantunala. Cun blessuras mez-grevas è il manischunz vegnì transportà en l’ospital a Scuol.

Sin in plazzal da la via d’Engiadina era il camiun da viadi sin in tschancun da via provisoric. Pervi dal pais dal camiun, saja il trassé provisoric glischnà e sfundrà en l’En. En il medem mument è il camiun sa derschì. La via è stada serrada per pliras uras.

RR novitads 16:00