L’um da 65 onns era partì la dumengia en damaun cun ses dus chauns, per ir a chatscha bassa. Suenter ch’el n’è betg turnà a chasa da mezdi sco fatg giu, ha la famiglia alarmà la Polizia chantunala. Da mesanotg han ins lura chattà l’um en la Val Morteratsch, datiers dal trutg vers il vadret.
La dumengia suentermezdi haja dà ina gronda acziun per chattar il sparì, communitgescha la polizia. En acziun èn stadas pliras persunas spezialisadas cun chauns da tschertga e persunas privatas, lura la polizia communala da San Murezzan, ils pumpiers da Puntraschigna, la guardiaselvaschina, dus helicopters da la Rega cun mintgamai ina squadra e la polizia chantunala.