Tar in grev accident sin il Pass dal Flüela è ina persuna morta.
In’ulteriura persuna è vegnida blessada grevamain. Quai ha in pledader da la Polizia chantunala grischuna ditg sin dumonda dad RTR.
Il töffist da 61 onns charrava cun ina socia da Tavau en direcziun Susch. Curt avant l’ospizi dal pass, da la vart da Tavau, è el collidà cun ina rulotta. Sinaquai è l’auto vegnì giud via e cupitgà giu d’ina costa stippa. Las persunas en l'auto n'èn betg vegnidas blessadas. Ins ha transportà ellas en l'ospital da Tavau per controlla. La socia è vegnida blessada mezgrev, ella è vegnida sgulada cun la Rega en l'Ospital chantunal a Cuira. Il töffist è mort anc sin il plaz d'accident.
La via sur il Pass dal Flüela è stada serrada durant pliras uras. Ussa è ella puspè averta.