Al Piz Bernina è in alpinist da 56 onns sa disgrazià mortalmain la dumengia avantmezdi. El era da viadi cun in partenari da raiver. Curt avant ch’arrivar sisum il Piz Bernina saja l’um sa glischnà ora e crudà radund 400 meters sin il glatscher da Morteratsch, ha communitgà la polizia chantunala.
La squadra da salvament ha mo pudì constatar la mort da l’alpinist crudà en la profunditad. Ses partenari da raiver e quatter ulteriurs alpinists che sa chattavan datiers, ha la Rega transportà davent. Quels han lura survegnì ina tgira psicologica, sco la polizia scriva.
La polizia chantunala tschertga uss ulteriurs alpinists che pon far indicaziuns en connex cun l'accident.