Siglir tar il cuntegn
Vista sin il Piz Bernina.
Legenda: Sin viadi da la chamona Tschierva sin il Piz Bernina è l'alpinist crudà a mort. MAD Pocha

Accident mortal Alpinist croda giu al Piz Bernina

Al Piz Bernina è in alpinist da 56 onns sa disgrazià mortalmain la dumengia avantmezdi. El era da viadi cun in partenari da raiver. Curt avant ch’arrivar sisum il Piz Bernina saja l’um sa glischnà ora e crudà radund 400 meters sin il glatscher da Morteratsch, ha communitgà la polizia chantunala.

La squadra da salvament ha mo pudì constatar la mort da l’alpinist crudà en la profunditad. Ses partenari da raiver e quatter ulteriurs alpinists che sa chattavan datiers, ha la Rega transportà davent. Quels han lura survegnì ina tgira psicologica, sco la polizia scriva.

La polizia chantunala tschertga uss ulteriurs alpinists che pon far indicaziuns en connex cun l'accident.

Il 2017 ha RTR rapportà da plirs accidents al Bernina:

RTR novitads 12:00

Artitgels legids il pli savens