Siglir tar il cuntegn

Header

video
La via serrada da Martina a Vinadi ha consequenzas per «Acla da Fans»
Or da Telesguard dals 11.04.2018.
laschar ir. Durada: 3 minutas 9 Secundas.
cuntegn

Engiadina Acla da Fans – access cun impediments

La via tranter Martina e Vinadi è serrada causa crudada da crappa e lavurs da segirezza. Ils Engiadinais cuntanschan be sur l'Austria la butia da dazi liber.

100 clients damain e quai al di, quai è la consequenza da la serrada da la via principala tranter Martina e Vinadi. Durant l'enviern visitan radund 350 clients la butia da dazi liber – quai è ina diminuziun da radund in terz dals clients e quai mintga di.

audio
Mezdi: Acla da Fans patescha da la via serrada
ord Actualitad dals 11.04.2018.
laschar ir. Durada: 2 minutas 37 Secundas.

In lung viadi per cuntanscher Acla da Fans

L'Acla da Fans è cuntanschibel be sur l'Austria. Per in Engiadinais vul quai dir far il viadi cun l'auto da Martina sur il pass «Norbertshöhe» enfin Danuder (Nauders) e lura en direcziun Fond (Pfunds, Austria) e da là lura puspè turnar sur Spiss en direcziun Samignun e per finir turnar sin la via da Samignun fin tar la butia Acla da Fans.

Spetgar ed avair pazienza

La segirezza ha prioritad era per la direcziun d'Acla da Fans, ma els speran che la via na resta betg serrada a lung temp. Tenor infurmaziuns da l'uffizi da construcziun bassa, è previs d'avrir la via tranter ils 23 e 27 avrigl.

Disposiziuns divergentas tranter CH e UE

Per la Svizra valan autras cundiziuns da cumprar productsa Samignun en congual cun l'Uniun Europeica. Causa la serrada da la via vers la Svizra, valan per ils Svizzers actualmain betg mo las cundiziuns da la Svizra, mabain era quellas da l'Ue. Quai causa ch'els ston passar il cunfin Austriac.

Congual dals products tanter CH e EU che en liber da dazi

Product
CH
EU
valur totala dals products cumprads
300 francs
300 euros
alcohol sur 18% resp. 22%
1 liter
1 liter
alcohol fin 18% resp. 22%
5 liters
2 liters
cigarettas
250 tocs
200 tocs

RR actualitad 12:00

Artitgels legids il pli savens