La Corporaziun Energia Engiadina, numnadamain las vischnancas S-chanf, Zernez, Scuol e Valsot han elavurà ensemen cun las Ovras Electricas d’Engiadina SA ina nova strategia per retrair la forza electrica en avegnir.
La nova strategia prevesa che las Ovras Electricas d’Engiadina SA retschaivan la lubientscha da las vischnancas da cumprar la forza electrica pli a lunga vista sin il martgà, quai per evitar grondas variaziuns dals precis.
En connex cun l'augment dal pretsch internaziunal han era las Ovras Electricas d’Engiadina adattà il pretsch da la forza electrica l’onn 2022, quai che ha procurà per intensivas discussiuns.
Questa nova cunvegna menziunada duess, tenor ina communicaziun a las medias, intensivar la collavuraziun tranter las Ovras Electricas d’Engiadina SA e la Corporaziun Energia Engiadina.