Cun lur acziun da crowdfunding vulan las duas uniuns da Zonta en Engiadina ed a Cuira ramassar raps per sustegnair la Chasa da dunnas. Quella porscha actualmain spazi per trais dunnas, tut tenor cun lur uffants. Dal chantun survegn la chasa annualmain radund 100’000 francs. Quai na saja betg avunda, manegia la pledadra da Zonta Engiadina, Maria Chatrina Gisep Hofmann.
La finamira da l’acziun è da cuntanscher ina summa tranter 30'000 e 40'000 francs.
Cun noss’acziun vulain nus er render pli enconuschenta la chasa da dunnas en las regiuns periferas.
Mintg’onn tschertgan radund 30 dunnas protecziun en la Chasa da dunnas a Cuira. Il motiv è ch'ellas na sa sentant betg pli segiras en las atgnas quatter paraids.
