Siglir tar il cuntegn

Header

cuntegn

Engiadina Acziun da ramassar vestgadira per fugitivs sirians a Samedan

Passa 10 milliuns fugitivs sirians èn en fugia - l'enviern stat davant porta ed els dovran vestgadira chauda - en Engiadin'Ota vegn ramassà sonda, ils 31.10.2015 vestgadira e giugarets per ils fugitivs - in'acziun che demussa gia oz, che la solidaritad en Engiadin'Ota è fitg gronda.

Miseria, guerrra, terror e tema - fugitivs da la Siria èn confruntads mintga di cun quai. Sacha Ernst da Zuoz e ses team da l'organisaziun cristiana AVC sa deditgeschan cun lur lavur a quellas suffrientschas. Sacha Ernst è sez a la front e gida là, nua che l'agid è il pli necessari.

El ha organisà in'acziun da ramassar vestgadira e giugarets a Samedan. Già avant che l'acziun ha cumenzà, ha el survegnì numerus satgs cun vestgadira e giugarets. La solidaritad en Engiadina è fitg gronda - la rauba ch'arriva duess gidar da pudair passentar meglier l'enviern e las temperaturas fraidas.

La vestgadira pon ins deponer, sonda ils 31 d'october 2015, da las 10.00 - 16.00 uras en il Hotel des Alpes a Samedan.

Artitgels legids il pli savens