Acziun da telefon a Tschlin gudogna premi da reclama

L'acziun dal telefon dal vitg a Tschlin gudogna in premi da reclama internaziunal. L'acziun da Grischun Vacanzas è vegnida onurada dals «Epica-Awards» a Berlin e dals «ADC of Europe Awards» a Barcelona en trais categorias cun argient.

Tschlin ina persuna è al telefon e blers uffants miran. Bild in Lightbox öffnen.

Legenda da maletgs: Il telefon scalinava ti mordio a Tschlin e la giuventetgna aveva plaschair. RTR, Anna Caprez

Tenor l'organisaziun da vacanzas grischuna tutgan quests premis tar ils pli impurtants en la branscha da reclama. En tut ha l’acziun gudagnà en trais categorias argient. Cun la campagna telefon dal vitg il 2016 ha Grischun Vacanzas vulì far attent sin il potenzial turistic dals vitgs muntagnards en il chantun.

L’acziun era in grond success

L’acziun da reclama era concepida uschia che sche nagin dals 166 abitants dal vitg prendeva giu avant ch’il respundider respunda, alura pudeva la persuna gudagnar differents premis. Era pudevan ils participants observar via webcam il telefon e tgi che prenda mintgamai giu il telefon. Uschia ha il telefon per part scalina senza pausa. Ils abitants da Tschlin han stuì s’organisar ed ì era vegni installà ina sclingia speziala per che tut ils abitants possian udir il telefon. L’acziun ha durà dals sis da zercladur fin ils 11 da zercladur 2016.


Ord noss archiv:

Laschar ir video «Ils telefonists da Tschlin en acziun»

Ils telefonists da Tschlin en acziun

2:56 min, Actualitad video dals 7.6.2016

RR novitads 12:00