Siglir tar il cuntegn

Header

cuntegn

Engiadina Adam Quadroni nominà per Prix Courage

Adam Quadroni, l'anteriur interprendider da fabrica, vegn nominà per sia rolla sco whistleblower en il scandal da cartels da construcziun en Engiadina. Quai ha dat enconuschent la gasetta Beobachter la gievgia.

En sia motivaziun per la nominaziun scriva il Beobachter dad Adam Quadroni e sia rolla sco whistleblower – la via dal interprendider e bab da famiglia a quel che haja fatg concurs ed haja pers sia famiglia perquai ch'el haja fatg enconuschent il cartel da construcziun en l'Engiadina. Quel cartel, ch'haja cugliunà a la publicitad ed a privats per milliuns e milliuns.

Quadroni è in dals 8 nominads. Tgi che survegn la fin finala il premi decidan il public ed ina schuria. Il premi è dotà cun 15'000 francs e vegn surdà ils 2 da november.

Nominaziuns per il 21avel Prix Courage

Avrir la box Serrar la box

Da las otg persunas scriva il Beobachter:

  • Beatrix «Trix» e Wendelin Marthy da Flumserberg (SG) han salvà ina famiglia giuvna dad in amocader (17) cun ina manera.
  • Adam Quadroni da Ramosch (GR) ha fatg enconuschent il cartel da fabrica en Engiadina.
  • Natalie Urwyler da Brig (VS) ha cumbattì cun success cunter l’ospital Insel da Berna pervi da discriminaziun da dunnas.
  • Markus Zangger dad Embrach (ZH) ha demascrà a Jürg Jegge, il «magister da la naziun«, sco pedofil.
  • Morena Diaz dad Aarburg (AG) è daventada cun sia persvasiun vivida da «mintga corp è bel» la fatscha dal uschenumnà moviment «body-positivity».
  • Xhevahire Balaj da Berna gida a persunas traumatisadas da la guerra dal Kosovo.
  • L’anteriur polizist da la polizia federala Thomas Walter da Courgevaux (FR) ha demissiunà là ed è confruntà suenter critica vi da la lavur da ses patrun cun difficultads giuridicas e professiunalas.
  • Il giugader da ballape professiunal Pascal Erlacher da Wangen tar Olten (SO) ha rut in tabu cun ses coming-out sco omosexual.

RR novitads 11:00

Artitgels legids il pli savens