Adattaziun per la senda tranter Segl ed Isola

Il lai schela adina pli tard. Quai procura per problems sch'ins vul garantir la colliaziun tranter Segl ed Isola era l'enviern. Per passlungists, ma era per peduns èsi difficil da preparar la senda. Perquai vulan las vischnancas Bregaglia e Segl uss adattar la senda.

vista tranter Segl ed Isola Bild in Lightbox öffnen.

Legenda da maletgs: Vista sin il lai da Segl davent da la senda tranter Segl ed Isola. RTR, David Spinnler

Isola e cunquai era Malögia restan d'enviern per part separads dal rest da l'Engiadin'Ota. Entant ch'il lai n'è betg schelà manca la loipa da Segl ad Isola. Quai vulan las duas vischnancas Segl e Bregaglia midar. La senda existenta duai u vegnir schlargiada per far la loipa, ni ch'i duai dar ina punt sin livel dal lai. Omaduas variantas avessan ina largezza da 2 meters e 50.

Las vischnancas han inoltrà ina dumonda tar il chantun per savair cun tge varianta ch'ins duess cuntinuar. Pir lura vegnia elavurà in project detaglià, ha ditg il president communal da Segl Christian Meuli. La realisaziun dal project è prevesida il pli baud l'onn 2018.

RR actualitad mezdi 11:00