Adattaziuns da pista per terza dumengia da White Turf

Ils organisaturs da las cursas da chavals sin il lai schelà da San Murezzan emprovan da las tuttas per segirar l’eveniment che attira fin 13’000 aspectaturs.

pista White Turf Bild in Lightbox öffnen.

Legenda da maletgs: La pista da cursa vegn spustada per 50 meters mad

Actualmain vegnia la curva da la pista da cursa spustada per 50 meters vers nord, scriva White Turf en sia communicaziun.

Decisiv vegnan ad esser las temperaturas dals proxims dis.

«  Nus spetgain sin la front d’aria fraida annunziada per la fin da l’emna, entant quinta mintga ura.  »

Silvio Martin Staub
CEO White Turf San Murezzan

Sche las cundiziuns da la vetta da naiv e glatsch sin il lai na vessan betg da tanscher, vegniss la dumengia da cursas desditga.

In bun signal che la dumengia finala da White Turf ha lieu, saja che la pista da cursa stat a disposiziun dapi mesemna per trenaments. En tut èn annunziads 67 chavals per las 7 cursas, a la partenza dal Skijöring vulan ir bun 10 teams.

Causa las temperaturas chaudas e la naiv han ils organisaturs gì da desdir l’emprima dumengia da White Turf. Per la segunda han ins gì da scursanir la pista da cursa pervi da la consistenza bletscha.