Siglir tar il cuntegn

Header

audio
Mezdi: S-chanf - protocols cun parts stritgadas
Or da Actualitad dals 21.01.2020.
laschar ir. Durada: 02:31 minutas.
cuntegn

Affera resgia La vischnanca da S-chanf resta en il focus

L’ultim protocol da l’anteriura suprastanza communala da S-chanf è vegnì publitgà sin la pagina d’internet sco resumaziun ils 27 da december 2019. En quel è scrit che l’examinaziun administrativa, fatga d'in biro extern per incumbensa da la vischnanca suenter la dispensa dal selvicultur l’atun passà, saja vegnida a resultats.

Suprastants sa distanzieschan dal protocol...

Duas emnas pli tard èn tschintg commembers da l'anteriura suprastanza sa distanziads dal protocol, ch’era vegnì publitgà ils 27. december, ed han pretais che quel vegnia curregì. Els deploreschian il fatg ed han vulì giustifitgar l’entir agir. Uschia è vegni publitgà ils 10 da schaner il protocol curregì. Envers RTR ha l’anteriur vicepresident, Paolo Bernasconi, ditg quella giada che la suprastanza n'haja betg enconuschientscha dal rapport da l’examinaziun e che quel na saja betg vegnì discutà en suprastanza.

L’anteriur president, Gian Fadri Largiadèr, percunter aveva ditg che quai na constettia betg. Tenor el hajan tut ils commembers da la suprastanza gì la pussaivladad da consultar il rapport. Er hajan els decidì en la seduta dals 18 da december da surdar il cas a la suprastanza nov elegida.

... tuttina puspè sa retratg

Dapi il glindesdi passà (20 da schaner) n’è er il protocol cun las correcturas betg pli online. Sco quai che la Posta Ladina scriva, sajan trais dals tschintg anteriurs suprastants tuttina puspè sa distanziads da la versiun curregida. Envers RTR n’han ils pertutgads betg vulì prender posiziun u n'èn betg stads cuntanschibels.

RTR actualitad 12:00

Artitgels legids il pli savens

Ir a sanester Ir a dretg