Siglir tar il cuntegn
Inhalt

Engiadina Agid finanzial per White Turf

Il cussegl communal da San Murezzan ha fatg bun in emprest senza tschains da 160’000 francs per sustegnair las cursas cun chavals White Turf.

Vista sin 2 chavals durant la cursa da chavals White Turf.
Legenda: L’Associaziun da cursas White Turf n'ha betg pudì pajair ses quints. RTR, D. Spinnler

Pervi da las grondas navadas da l’enviern 2013/14 aveva l’associaziun da cursas White Turf gì custs supplementars da 160’000 francs ch’ella n’era betg vegnida da pajar.

Las pretensiuns

Il cussegl communal ha concedì questa summa cun la cundiziun che White Turf stoppia far in’assicuranza per cas ch’ins sto annullar in di da cursas. L'assicuranza vegnia a custar radund 70'000 francs per onn. Plinavant sto l’emprest vegnir pajà enavos a la vischnanca ils proxims 8 onns.

RR novitads 06:00