En la regiun Malögia datti da nov in fondo d'agid per fugitivs da l'Ucraina. Mess en pe quel ha ina gruppa da lavur regiunala enturn las vischnancas, las scolas, la regiun e l'agid social. La finamira è da cumplettar las prestaziuns da l'agid social che na cuvran betg adina tut ils basegns.
Michael Pfäffli, suprastant da San Murezzan e commember da la gruppa da lavur declera:
audio
Michael Pfäffli davart il fondo per fugitivs da l'Ucraina
ord RTR Audio dals 27.05.2022.
laschar ir. Durada: 19 Secundas.
Las 12 vischnancas contribueschan ensemen 10'000 francs che vegnan cumplettads da donaziuns da privats. Administrà vegn il fondo da l'uffizi social da la vischnanca da San Murezzan. Pajads ora vegnan ils daners be sin dumonda dal servetsch social regiunal.