Siglir tar il cuntegn

Header

cuntegn

Agids da chatscha Il chatschader fabritga – la vischnanca dirigia

Scuol e Valsot vulan realisar in reglament davart ils agids da chatscha – els vulan ina directiva legala.

I dura anc in temp enfin settember, ma las preparaziuns per la chatscha cumenzan gia a temp. Ina buna plazza da spetgar, in «hoc» al dretg lieu è impurtant per blers chatschader.

Scuol e Valsot vulan formular in reglament davart ils agids da chatscha che descriva exactamain sco ch'in agid duess vesair ora, sco che quel duess vegnir fabritgà, nua e cun tge materials.

Ina gruppa da lavur sa fatschenta cun la tematica. En in proxim pass duai quella gruppa da lavur vegnir extendida. Era las societads da chatscha duain avair la pussaivladad da discurrer in pled en chaussa.

audio
Il chatschader fabritga – il vitg dirigia
ord Actualitad dals 30.04.2020. Maletg: mad
laschar ir. Durada: 2 minutas 51 Secundas.

Reclamaziuns èn programmadas

In emprim sboz è sin maisa, las societads da chatscha han la pussaivladad da prender ina emprima posiziun. Il resun è stà grond, uschè il cusseglier communal da Valsot, Armon Mayer, sper bleras reclamaziuns tranter auter segira era bunas propostas.

Per las vischnancas Scuol e Valsot vai en emprima lingia d'avair ina basa legala, per tegnair in frain a las exageraziuns e per avair ina survista da la situaziun dals agids da chatscha. Blers agids vegnan fabritgads e lura abandunads senza disfar – era quai vulan las vischnancas evitar en avegnir.

RTR actualitad 11:00

Artitgels legids il pli savens