En il center èn stadas – sper ils animals sez – er las singulas occurrenzas sco l’olimpiada per famiglias, la tscherna da la Miss Agrischa 2019 (Siera cun ses patrun Ludwig Noggler da Sent) u er l’animal preferì ch’uffants han preschentà en il rintg avant giuria.
Aura variabla
Gì da cumbatter cun temperaturas pli frestgas han surtut ils expositurs da mangiativas e products d’artisanadi. Els èn stads exposts a tut las auras pussaivlas durant ils dus dis a Zernez. Da tschiel blau cun sulegl, sur ferms vents fin tar singuls muments cun sbischiez.
Tradiziuns ed usanzas
Cun in cortegi tras la vischnanca da Zernez s’han preschentadas las differentas usanzas sco il Chalandamarz u la Schelpcha.
Grond engaschament
L’organsiaziun da l’Agrischa 2019 ha pretendì bler da l’Uniun da purs dal Grischun dal sid, sut la batgetta da Gian Peter Niggli. En tut èn s'engaschadas passa 580 persunas sco voluntaris a favur da l’exposiziun a Zernez. L’Agrischa che ha gì in preventiv da var 700’000 francs duai restar a tuts en buna memoria, sco lieu d’inscunter e lieu nua ch’ins ha pudì far punts tranter consument e represchentants da l’agricultura, uschia il president dal comité d’organisaziun.
RR novitads 17:00