Entant che la natira aveva fatg grond progress il cumenzament da la primavaira, è ella stada pli u main salda ils ultims 10 dis. Tenor il chau da l’Alp Barlas-ch, Curdin Duschletta da Zernez, haja quel svilup surtut gì da far cun las temperaturas fraidas la notg e la mancanza da plievgia.
Nus sperain uss, ch'i dettia ina plievgiada ils proxims dis, per che l’erva creschia anc in pau.
audio
Curdin Duschletta davart la situaziun sin l'Alp Barlas-ch
07:33 min, Actualitad dals 03.06.2020.
laschar ir. Durada: 07:33 minutas.Auter sco per exempel en Engiadin’Ota, na saja il tema da conflict «vatgas mamma e turists» uschè actual en il territori enturn l’Alp Barlas-ch. Dentant haja quai er da far cun la pastriglia che vegn gia dapi onns adina puspè a lavurar e tgirar sin l’alp sin 2091 meters sur mar. Quella constanza saja er fitg impurtanta per ils purs che han auter da far durant la stad.