Ina gruppa da lavur da l'Alp Languard SA ensemen cun la vischnanca da Puntraschigna vul remplazzar da la sutgera existenta. Quella ha ina curva amez il traject che chaschuna problems tecnics. Fin uss ha la curva chaschunà duas giadas in'interrupziun da la sutgera, sco er donns massivs.
In studi davart il remplazzament
La vischnanca da Puntraschigna ha perquai laschà elavurar in studi per schliar il problem e per pudair stimar ils custs d'in remplazzament da la sutgera. Quel duai esser sin maisa la fin d'avust per decider co enavant.
44 onns en funcziun
La concessiun per la sutgera existenta vegn a scrudar il 2035. Fin là vegn la sutgera ad esser 44 onns en funcziun. La radunanza d’acziunaris da la Alp Languard SA aveva decis il 2021 da prender per mauns in'eventuala renovaziun da la sutgera gist en vischinanza da la vischnanca da Puntraschigna.