Siglir tar il cuntegn

Header

video
Alternativas per la naiv
Or da Actualitad dals 21.12.2015.
laschar ir. Durada: 2 minutas 7 Secundas.
cuntegn

Engiadina Alternativas ni spiertas supplementaras

Spundas brinas en il funs da las vals enstagl da cuntradas alvas da naiv. En blers lieus turistics manca la naiv – la naiv natirala. En las regiuns da skis guarda ora in pau meglier. Naiv artifiziala procura che almain ina part da las pistas sajan avertas.

Per na permalar ils giasts porscha l’Engiadina radund 400 alternativas. Ir cun patins, curling, passlung, ir a chaval, senda da glatsch, ...

A Scuol è quai era il cas. La destinaziun da vacanzas Engiadina Scuol Samignun Val Müstair emprova da porscher chaussas genuinas e tipicas per la regiun. Giasts pon emprender a far sgrafits, pon far sez ina turta da nusch engiadinaisa u degustar pulpa avant co ir a far in bogn en il Bogn Engiadina.

Questas e bleras autras spiertas n' èn betg novas e spezialas per quest onn cun pauca naiv. Auters onns eran questas spiertas enritgiments per ils giasts e quest onn èn ellas alternativas per la mancanza da naiv.

Artitgels legids il pli savens