Las structuras da la SGO, la Fundaziun da provediment da sanadad en Engiadin’Ota, èn cumplexas da chapir. Sur tut stat la fundaziun, quella ha sezza in cussegl administrativ e sut quel èn las singulas instituziuns, mintgmai er cun lur furmas da mainagestiun e hierachia. La furma ch’exista dapi 10 onns remplazza quella, nua che l’organisaziun vegniva manada be da politichers regiunals, senza persunas dal fatg. Quai è entant sa midà. Per ch'il construct funcziunia però er, han da vegnir tegnidas en las reglas – surtut en situaziuns da conflicts. Quai vul dir ch'igl è en in tal cas da conflic da definir cleramain tgi che ha da schliar quel e sin tge livel. Sch'in ospital ha in problem cun in medi u ina media, ha la direcziun en emprima lingia da schliar il conflict e betg il cussegl da fundaziun. Vul dir er renfatschas èn da drizzar en emprima lingia a la direcziun da l'ospital.
Che la dispita ha gì da vegnir fatga publicamain en las medias, ha segir aspects negativs e retardescha, per betg dir: blocca forzas ch’ins pudess duvrar autramain. E… i fa finalmain er donn a la reputaziun da l’Ospital regiunal a Samedan! Pertge che en sasez vai per avair in ospital en la regiun ch’è bun da porscher tut quai ch’i dovra en il provediment da sanadad en Engiadin’Ota ed er en las vals lateralas ch’èn avisadas sin la purschida da Samedan. Be uschia vegnan ins da fortifitgar la posiziun da l’ospital e giustifitgar sia existenza.
Anna Caprez
Producenta Engiadina
