Analisas dal chantun mussan ch’ils lais da l'Engiadin'Ota n'èn betg contaminads fermamain cun chemicalias che vegnan per exempel duvradas per la tschaira da skis, material d'impregnaziun u chazzettas da teflon. Las concentraziuns d'uschè numnadas cumposiziuns perfluoridas e polifluoradas sajan sumegliantas sco quellas en auters lais svizzers e nagina ristga per la sanadad, sco il chantun communitgescha.
En 35 emprovas ch'èn vegnidas fatgas han ins chattà fastizs da las chmichalias. Ultra da quai ha il chantun laschà analisar ils peschs. Tar la mesadad dals 70 exemplars ch'ins ha intercurrì èsi vegnì chattà fastizs da las chemicalias. La concentraziun saja però bler pli bassa che en auters lais svizzers.
In ristg per la sanadad na dettia tar in consum casual da peschs ord ils lais da l’Engiadin’Ota betg.