Siglir tar il cuntegn
cuntegn

Engiadina Anc 1'000 numers da partenza per Maraton da skis engiadinais

Radund dus mais avant la 51avla ediziun dal Maraton da skis engiadinais èn gia 13'200 passlunghistas e passlunghists s'annunziads. Tenor la communicaziun dal comité d'organisaziun è quai in record.

maraton da skis engiandina.
Legenda: Anc 1'000 persunas pon s'annunziar per il maraton da Malögia a S-chanf. Keystone

Anc mai hajan ils organisaturs gì l'entschatta schaner tantas annunzias. Cumpareglià cun l'onn passà muntan las annunzias da quest onn in plus da 16%.

Limita resta

Cunquai che la limita da 14'200 plazzas da partenza resta, pon anc 1'000 curriders s'annunziar. Cun quella limita possia la qualitad da l'occurenza vegnir garantida, uschia vegn il manader da fatschenta Menduri Kasper cità en la communicaziun. La limita datti dapi l'onn passà.

Las preparativas per il maraton da skis sajan sin buna via. L’occurrenza ha lieu dumengia, ils 10 da mars 2019. La cursa maina sur 42 kilometers da Malögia a S-chanf.

RR novitads 06:00