Anc 220 dis fin il campiunadi mundial da skis 2017

Ad in'infurmaziun publica han ils organisaturs dal campiunadi mundial da skis 2017 a San Murezzan infurmà davart il concept da traffic en ed enturn San Murezzan e davart il program accumpagnant sin la plazza principala e la zona da peduns.

plazza davant Kulm Bild in Lightbox öffnen.

Legenda da maletgs: Uschia vegn la plazza principala davant l'hotel Kulm a sa preschentar. A dretga il monument, la tribuna ch'è 16 meter... mad

A partir dad oz vai anc 220 dis fin il campiunadi mundial da skis a San Murezzan. Dals 6 fin ils 19 da favrer 2017 vegnan spetgadas millis da persunas. Quai munta ina sfida immensa per la logistica. Part da questa fa il concept da traffic.

Bler han ils organisaturs pudì surpigliar da l'ultim campiunadi a San Murezzan ch'è stà il 2003. Quel haja funcziuna fitg bain, di il responsabel dad oz Thomas Kirchhofer.

Puncts centrals èn:

  • calmar il traffic en vischnanca senza serrar giu el per tuts
  • parcadis principals en las vischnancas vischinas Schlarigna e Champfèr
  • finamira che 60% dals aspectaturs dovran ils meds da traffic publics

Ina tribuna, 16 meters auta

Quai vegn ad esser l'attracziun principala sin la plazza davant l'hotel Kulm:In monument en furma d'in skiunz, 16 meters aut. El furma la tribuna sin la plazza da l'hotel Kulm, la plazza principala durant l'entir campiunadi.

Cultura sco punct central

Sper la plazza da l'hotel Kulm duai la zona da peduns esser en il focus. Qua vegnan ad avair lieu preschentaziuns da musica, da teater e da prosa. Ed er la gastronomia indigena grischuna duai vegnir preschentada.

RR actualitad 07:00