Sco Anita Urfer scriva en ina curta communicaziun, è ella sa decidida da tuttina ir en la cursa per ina terza perioda d’uffizi. Quai suenter avair vis il svilup ch’il cumbat electoral ha survegnì a San Murezzan las ultimas emnas.
Pro Christian Jenny
Anita Urfer, ch'è dapi otg onns en la suprastanza da San Murezzan vul sustegnair cun sia candidatura Christian Jenny ed ils giuvens candidats che han annunzià dad ir en cursa per in sez en il parlament da San Murezzan.
Cumbat per ils 4 sezs en suprastanza
Sper Anita Urfer è entant er enconuschent che Regula Degiacomi e Michael Pfäffli candideschan per in’ulteriura perioda d’uffizi en suprastanza. Il quart commember actual, Maurizio Pirola, vul spetgar il resultat dal cumbat electoral tranter Sigi Asprion e Christian Jenny.
Annunzià da vulair prender plaz en la legislativa da San Murezzan han entant er Reto Matossi, Claudia Jann e Martin Berthod.
L’elecziun da la suprastanza communala è ils 14 d’october 2018. In’emna avant, vegn decis en in segund scrutini tgi che surprenda il timun da San Murezzan ils proxims quatter onns.
RR novitads 10:00