Perquai han ils organisaturs decidì da desdir la cursa che avess gì lieu per la segunda giada quest onn. La patruglia da Tavau a San Murezzan vegn currida en ina squadra da 3. 61.2 kilometers en 2 dis e 2 etappas.
Finamira dals organisaturs saja da porscher in bun eveniment als curriders sut circumstanzas idealas e quai è uss betg il cas. La decisiun è l'unic correcta di perquai Reto Matossi, commember dal comité d'organisaziun.
Las prognosas per ils proxims dis mussan era betg nagin meglierament da la situaziun. Perquai haja ins tratg la decisiun schon mesemna senza stuair anc investir forzas e raps per preparar il traject ed a la fin tuttina stuair desdir la cursa.
19 squadras fissan stadas annunziadas per la cursa da quest onn. Pli pauc che l'onn passà tar l'emprima ediziun, nua che 30 squadras a 3 persunas sa vevan participadas.