Siglir tar il cuntegn

Header

Claudio Caratsch.
Legenda: L’anteriur ambassadur e co-fundatur da la Fundaziun Terrafina è spartì en ses 84avel onn da vita. RTR
cuntegn

Anteriur ambassadur Claudio Caratsch è mort

Sco ch’il figl Andrea Caratsch ha confermà a RTR è Claudio Caratsch sa durmentà suenter fitg curta malsogna ils 21 d’avrigl 2020 en ses dachasa a S-chanf. Ils 5 uffants ed ils 13 biadis hajan tuts anc pudì prender cumià da lur bab e non.

Ambassadur en differents lieus

Claudio Caratsch è naschì ils 28 d’avrigl 1936 a Berlin sco figl dal schurnalist e scriptur Reto Caratsch. Durant sia carriera professiunala ha l’anteriur diplomat svizzer fatg staziun en numerus pajais. Uschia è el sta en las ambassadas da l’Egipta, la Pologna, Ungaria ed er l’Austria, fin ch’el è ì il 2001 en pensiun e turnà en Engiadina, en la patria da sia famiglia. .

Ultra da quai ha Claudio Caratsch gì durants plirs onns il vice-presidi dal Comité Internaziunal da la Crusch Cotschna cun sez a Genevra.

Engaschi er suenter la pensiun

Durant ses temp en patria, è il diplomat svizzer s’engaschà activamain en differents gremis. Uschia ha Claudio Caratsch presidià la vischnanca burgaisa da S-chanf ed è er stà co-fundatur dal 2004 da la Fundaziun Terrafina. In’organisaziun che s’engascha per la protecziun da la natira e cuntrada en Engiadin’Ota. Ils 27 da favrer 2020 ha Claudio Caratsch surdà nunspetgadamain il presidi da la Fundaziun Terrafina ad Ursula Gehbauer.

Ord l'archiv:

RTR novitads 12:00

Artitgels legids il pli savens

Ir a sanester Ir a dretg