Siglir tar il cuntegn
Inhalt

Engiadina Approvà rendaquint da l'uffizi da scussiun cun resalvas

Il cussegl cumön d’Engidaina’Ota ha approvà tut ils rendaquints regiunals dal 2015. Il quint da l'uffizi da scussiun e falliment ed era quel dal circul - però cun resalvas.

Il sez dal circul d'Engiadin'Ota - chesa Ruppanner a Samedan
Legenda: Il sez dal circul d'Engiadin'Ota - chesa Ruppanner a Samedan RTR, A. Caprez

Il cussegl da cumön d’Engiadina’Ota ha tractà a Samedan ils rendaquints annuals dal 2015 da quatter uffizis regiunals.

Ils rendaquints da l'uffizi da curatella professiunala e quel da l'uffizi da stadi civil èn vegnids approvads unanimamain e senza discussiun.

Consentì cun resalvas

Ils rendaquints da l'uffizi da scussiun e falliment ed era quel dal circul d’Engiadin’Ota ha il cussegl cumön consentì be cun resalvas. L'avrigl da quest’on han ins chattà irregularitads en la gestiun da l'uffizi da scussiun e falliment.

Questas irregularitads pudessan er influenzar il rendaquint 2015 dal circul d’Engiadin’Ota. La cumissiun sindicatura ha perquai fatg questa proposta. Il cussegl da cumön conceda ils rendaquints da l'uffizi da scussiun cun in deficit da 134’000 francs e quel dal circul cun in deficit da 1’962’000 francs, resguardond las suandantas resalvas.

  • Tar ils rendaquints d’aucziuns èn avant man differenzas tar la circulaziun da daners.
  • La procedura currenta sa retira sin entradas persas dal circul ed era sin eventualas indemnisaziuns da crediturs che pudessan entrar.
  • Tut tenor co che la examinaziun resulta, ha il circul dabun u sto surpigliar anc en import da l'uffizi da scussiun e falliment