Il mument nettegian trais differentas aras l'aua persa smerdada da San Murezzan fin a S-chanf. Quellas na correspundan però betg pli a las pretaisas dad ozendi. Perquai vegn ussa fabritgada ina nova ara – ina regiunala a S-chanf per las nov vischnancas. Quell'ara vegn fabritgada a moda e maniera modulara e po perquai reagir flexibel sin dapli u damain abitants en Engiadin'Ota.
Planisaziun lunga ma buna
Suenter ina planisaziun da 17 onns han ins cumenzà ils 20 da favrer 2017 cun la construcziun. L'onn 2021 duess l'Ara regiunala lura esser pronta per la populaziun da l'Engiadin'Ota. Ils custs muntan a 76 milliuns francs. Enfin il di dad oz ha il project custà 45 milliuns francs. Tenor il manader da project, Godi Blaser, va per entant tut tenor plan.
audio
Saira: Ara regiunala a S-chanf survegn furma
ord Actualitad dals 11.07.2019.
laschar ir. Durada: 1 minuta 58 Secundas.
RR actualitad 17:00