Per radund 5,5 milliuns vegn renovada la Chesa Planta a Zuoz. Il suler duess daventar il lieu d’exposiziun, ulteriurs locals per sa retrair e profundar en documents vegls. Plinavant èsi previs da realisar ulteriurs locals per events en connex cun l’archiv cultural.
Actualmain èn ins vidlonder a trair ora substanza veglia per stgaffir plazza. Radund 600 m2 stattan finalmain a disposiziun per l'archiv cultural d’Engiadin’Ota. Il rest da la chasa resta per basegns privats dals possessurs da la chesa Planta.
L’avertura è previsa durant l’onn 2023. Per la manadra da l'archiv cultural, Dora Lardelli, vegn la midada ad esser ina sfida, tut ensemen ston ins numnadamain translocar material ch'avess, mess in sper l’auter, ina lunghezza da radund 1'100 meters.