En Engiadina Bassa èn dus chatschaders vegnids annunziads sco sparids la gievgia saira. Omadus èn vegnids chattads morts en lur territori da chatscha, quai independentamain in da l'auter. Ensemen cun la procura publica sclerescha la Polizia chantunala grischuna las circumstanzas da quests mortoris.
In chatschader da 74 onns n'è gievgia saira betg turnà da la chatscha sco cunvegnì. Cura ch'ils confamigliars n'han betg pudì cuntanscher el, han els alarmà e tschertgà el. L'um sparì è vegnì chattà mort vers las 22.00 en la Val Sampuoir ad Ardez.
Acziun da tschertga sur ils cunfins
Suenter ch’in chatschader è stà sparì a Sent, è la polizia vegnida contactada da ses camarats da chatscha. La Polizia chantunala grischuna ha sin quai instradà ina grond’acziun da tschertga. Trais teams da salvament alpin cun dus chauns han tschertgà l'um da 58 onns en la Val d' Uina ed en la Val Rojen da l'Italia. Venderdi en damaun è la persuna sparida vegnida chattada morta en il territori da La Stüra sin in'autezza da var 2'600 meters sur mar.
